நயனுடையான் நல்கூர்ந்தா னாதல் செயும்நீர
செய்யாது அமைகலா வாறு
Nayanutaiyaan Nalkoorndhaa Naadhal Seyumneera
Seyyaadhu Amaikalaa Vaaru
| குறள் எண்: | 219 | |
|---|---|---|
| குறளின் பால்: | அறத்துப்பால் | |
| அதிகாரம் : | ஒப்புரவறிதல் | |
| குறளின் இயல்: | இல்லறவியல் | |
குறளின் விளக்கம்
மு.வரதராசன் விளக்கம்:
ஒப்புரவாகிய நற்பண்பு உடையவன் வறுமை உடையவனாதல், செய்யத்தக்க உதவிகளைச் செய்யாமல் வருந்துகின்ற தன்மையாகும்.சாலமன் பாப்பையா விளக்கம்:
உழைக்கும் சக்தி அற்றவர்க்கு உதவும் உள்ளம் உடையவன் வறியவன் ஆவது, செய்யக்கூடிய உதவிகளைப் பிறர்க்குச் செய்யமுடியாது வருந்தும் போதுதான்.கலைஞர் விளக்கம்:
பிறர்க்கு உதவி செய்வதையே கடமையாகக் கொண்ட பெருந்தகையாளன் ஒருவன், வறுமையடைந்து விட்டான் என்பதை உணர்த்துவது அவனால் பிறர்க்கு உதவிட முடியாமல் செயலிழந்து போகும் நிலைமைதான்மணக்குடவர் விளக்கம்:
நயனுடையான் நல்கூர்ந்தா னாகின்றது செய்ய வேண்டுவன செய்யாதே யமைய மாட்டாத இயல்பாம். இது செல்வங் குறைபடினுஞ் செய்வரென்றது.வீ. முனிசாமி விளக்கம்:
பரிமேலழகர் விளக்கம்:
நயன் உடையான் நல்கூர்ந்தான் ஆதல் - ஒப்புரவு செய்தலை உடையான் நல்கூர்ந்தான் ஆதலாவது, செயும் நீர செய்யாது அமைகலா ஆறு - தவிராது செய்யும் நீர்மையையுடைய அவ்வொப்புரவுகளைச் செய்யப்பெறாது வருந்துகின்ற இயல்பாம். (தான் நுகர்வன நுகரப் பெறாமை அன்று என்பதாம். இவ்விரண்டு பாட்டானும் வறுமையான் ஒப்புரவு ஒழிதற்பாற்று அன்று என்பது கூறப்பட்டது.).
English Translation:
The good mans poverty and grief Is want of means to give relief
The good mans poverty and grief Is want of means to give relief
English Explanation:
The poverty of a benevolent man, is nothing but his inability to exercise the same
The poverty of a benevolent man, is nothing but his inability to exercise the same
English Couplet:
The kindly-hearted man is poor in this alone,When power of doing deeds of goodness he finds none
The kindly-hearted man is poor in this alone,When power of doing deeds of goodness he finds none
Paul Name: Virtue (Araththuppaal),
Iyal Name: Domestic Virtue (Illaraviyal),
Adikaram: Duty to Society (Oppuravaridhal)
Iyal Name: Domestic Virtue (Illaraviyal),
Adikaram: Duty to Society (Oppuravaridhal)